Жозе Мурињо е без ангажман веќе четири месеци и веројатно така ќе остане до крајот на оваа сезона.
Многу шпекулации се вртат во врска со неговата иднина, но ниту тој, ниту некој клуб не потврдува за евентуален ангажман. Напротив, со свој коментар излезе поранешниот играч на Челси, Франк Лебеф кој тврди дека Мурињо нема иднина.
„Бев многу близок со него кога првиот дојде во Челси. Одлично работеше со Порто, но го загуби она поради што го сакаа фудбалерите. Се сеќавам кога Матераци плачеше по него во Интер. Го загуби тоа, дури дојде до тоа играчи да го мразат како што беше случај во Јунајтед. Мора добро да се замисли ако сака да се врати во голем клуб, но мислам дека тој е готов“, изјави Лебеф.