Во неверица, објавуваат коментари под објавата на официјалниот сајт и сите се прашуваат што понатаму. Русинот со кого Вардар стана европски препознатлив клуб, реши да прекине да дава пари во спорт од каде што не може да врати ниту 10 отсто од вложеното.
„Спасибо Сергеј“, „Фала ти за европската титула“, „Ти си шампион“, се само неколку од стотиците коментари со поддршкка и благодарност за Самсоненко.
Во објава на официјалниот веб-сајт на РК Вардар, Самсоненко со соопштение вели дека по големите средства кои ги вложил во клубот и ветената помош, не може да продолжи со финансирањето на клубот.
Под водство на Самсоненко, РК Вардар стигна до титулата европски шампион во 2017 година, освои 4 титули од регионалната СЕХА лига, додека ЖРК Вардар три пати беше бронзен, а двапати сребрен во големите европски финалиња.