„Одговор“ е насловот на песната која денеска ја промовираше Александра Јанева. Промоцијата на ова музичко парче кое доби и свој видео запис, доаѓа неполн месец по издавањето на синглот „Срце отвори“.
Текстот на најновата песна, авторски го потпишува самата пејачка, а за музиката таа соработуваше со Тино Стојановски. На нивната соработка пак, во однос на аранжманот, се придружи Иван Јованов Iwayo.
За мене „Одговор“ е една нова страна во музиката. Премолчувањето станува внатрешна борба со сопствените потиснати чувства. „Одговор“ е за изневерената толеранција, доверба, љубов“, вели пејачката за своето прво авторско дело – изјави Јанева.
https://www.youtube.com/watch?v=Q9Fx7IIgFjc&feature=youtu.be