Во хотелот „Александар Палас” денеска ќе се одржи конференција на тема „Транспарентноста на Собранието како предуслов за вклученост на граѓаните – Добри практики од граѓанските организации од Велика Британија”.
Конференцијата, што ја организира Граѓанската асоцијација МОСТ, ќе биде отворена од страна на претседателот на Собранието Талат Џафери и британската амбасадорка во Северна Македонија, Н.Е. Рејчел Галовеј.
На настанот ќе присуствуваат пратеници во Собранието на РСМ, како и претставници на институциите, граѓанскиот сектор и меѓународната заедница.
МИА