Руските моторџии од “Ноќни волци” денеска им оддадоа почит на жртвите на агресијата на НАТО во тогашната СР Југославија, пред зградата на српската амбасада во Москва.
Околу 200 мотоциклисти од Москва и од други руски градови пристигнаа пред српската амбасада околу пладне со српски и руски знамиња, цвеќиња и венци.
Мотоциклистите предводени од “Хирургот” на Александар Залдастранов на оградата на амбасадата на Србија положија цвеќе, а фотографии и снимки беа објавени на социјалните мрежи.
Српскиот амбасадор во Русија д-р Славенко Терзиќ излезе од зградата на Амбасадата да им се заблагодари на мотоциклисти на овој гест, објави Спутник.
– Изразувам длабока и искрена благодарност за вашиот гест, што е израз на солидарност што Русите го покажаа на Србите со векови и се докажува и денес. Потсетувајќи на агресијата на НАТО пред 20 години, што се спроведе над сите норми на меѓународното право, ние исто така се потсетуваме на солидарноста што рускиот народ ја покажа во тоа време и кон Србија и СРЈ, рече амбасадорот.
Залдастранов го замоли амбасадорот да ги пренесе изразите на сочувство до српскиот народ.
Членовите на “Ноќни волци” потсетувајќи се на агресијата на НАТО што беше спроведена пред две децении на Србија и на СРЈ, рекоа дека 24 март 1999 година е трагичен ден за Србија и Русија и дека тоа беа “78 дена пеколот на земјата”.