Гласањето во Северна Кореја се одржува во карневалска атмосфера – деца со црвени марами парадираат по улиците за да ги охрабрат гласачите да присуствуваат. Музички бендови настапуваат во близина на избирачките места, каде што се објавени избирачките списоци.
Последниот одѕив на гласачите на последните избори пред 5 години изнесуваше 99,97%, според официјалната новинска агенција КЦНА – само оние кои биле во странство не учествувале.
И гласањето беше 100% во корист на именуваните кандидати.
На гласачкото ливче има само само едно име за избор во Врховното народно собрание. Гласачите имаат можност да го пречкртаат, но во пракса тоа не се случило досега.
Кандидатите се избрани од страна на владејачката корејска работничка партија и неколку помали коалициони партии.
Севернокорејскиот лидер Ким Јонг Ун, кој неодамна одржа втор круг разговори со американскиот претседател Доналд Трамп во Виетнам, е најистакнатиот кандидат и се кандидира за реизбор во неговата област Пјонгјанг.
Меѓу кандидатите има работници, земјоделци, интелектуалци и војници кои се залагаат за одржување на идеологијата и лидерството на Ким.
Гласањето генерално се смета за должност и одговорност во Северна Кореја.
“Изборите неверојатно ќе ја покажат фиксната волја на нашиот народ дека цврсто му веруваат на Врховниот лидер Ким Јонг Ун, и покрај бурата и стресот”, објави официјалниот весник на владејачката партија.
Преземено од: novatv.mk