Традиционален марш по повод меѓународниот ден на жената 8 Март ќе се одржи денеска во Скопје, во организација на Форумот на жени на СДСМ.
Маршот ќе почне напладне пред зградата на ЕУ -Инфо центар во Скопје, а ќе заврши во градскиот парк во Скопје (Школка).
Најавени се обраќања на претседателот на СДСМ и премиер Зоран Заев, кандидатот за претседател на државата од СДСМ Стево Пендаровски, како и на Цветанка Ласкова, координаторка на Форумот на жени на СДСМ и Мија Јаворник од Партијата на европски социјалисти (ПЕС жени).