Тринаесет илјади евра чини операцијата, која претставува последна надеж за Венцо Велков од Македонска Каменица, за да може да си го врати здравјето. Освен оваа сума, потребни се средства и за пред, но и постоперативно лекување, кое семејството Велкови не може да ги обезбеди.
Тој има заболување на лумбален и друг интервертебрален диск со радиокулопатија, но осумте операции кои му се направиле досега немале ефект. Секојдневието на Венцо е болно, бидејќи тој не може да функционира нормално.
Доколку не се направи операцијата, за која се потребни финансии што тој не може да ги обезбеди, може да настане повреда и кинење на нерв, кој ќе го остави Велков без функционална лева нога, со траен инвалидитет.
Засега донации за Велков може да се донираат со телефонски повик на телефонскиот број 070-143-144 за корисниците на Телеком. Со еден повик, секој граѓанин донира 100 денари, а во текот на неделата ќе бидат поставени штандови и организирани настани од кои средствата што ќе бидат собрани ќе бидат намети за операцијата.