Со надеж дека следните процедурални чекори ќе водат кон целосна имплементација на Преспанскиот договор, претседателот на Европската Комисија, Жан Клод Јункер, високата претставничка за надворешна политика, Федерика Могерини и еврокомесарот Јоханес Хан “топло ја поздравија“ ратификацијата на на Преспанскиот договор во грчкиот Парлемент.
-Од самиот почеток ЕУ силно го поддржа историскиот договор потпишан од Премиерите Ципрас и Заев под водство на ОН. Потребна беше политичка храброст, лидерство и одговорност од сите страни за да се надмине еден од најтешките спорови во регионот. Двете земји ја искористија оваа уникатна прилика која дава пример за помирување во цела Европа и ќе донесе дополнителен поттик за европската перспектива на регионот, стои во заедничката изјава .