За Преспанскиот договор гласаа 153 пратеници, 146 пратеници гласаа против, а еден воздржан. Со тоа Договорот од Преспа е ратификуван во Грција.
За договорот гласаше целата пратнеичка група на СИРИЗА на Ципрас со 145 пратеници, седум независни пратеници и еден пратеник од Независни Грци.
Лидерот на опозициската „Нова демократија“, Кирјакос Мицотакис веднаш по гласањето изјави дека „денеска е тажен ден за Грција“.
„Ќе се борам со сета моја моќ за ублажување на негативните последици, кои сигурно ќе произлезат од проблематичен договор.
Денес е тежок, тажен ден за Грција. Владата, со големо мнозинство, гласаше за катастрофалниот договор во Преспа.
Нејзината ратификација значи официјално признавање на македонскиот јазик и идентитет за жителите на Скопје за прв пат од страна на грчката влада“, изјави Мицотакис.
Осумте пратеници кои го поддржаа Договорот од Преспа се: претседателот на Демократска левица, Танасис Теохраопулос, кој беше избришан од коалицијата Демократска алијанса, сега независен пратеник; Спирос Данелис, кој беше избришан од Река, сега независен пратеник;,Ставрос Теодоракис, Јоргос Мавротас и Спирос Ликудис, од Река, кои по распадот на пратеничката група официјално се независни пратеници; Елена Кундура, министерката за туризам, поранешна членка на Независни Грци, сега независна пратеничка; Катерина Папакоста, заменик министерка за цивилна заштита, сега независна пратеничка; Танасис Папахристопулос, пратеник од Независни Грци.
Со поединечно прозивање сите 300 пратеници требаше да кажат дали гласаат „за”, „против” или „воздржано”.