Професорката, Тања Каракамишева била повикана на информативен разговор во полициска станица. Таа за ова денеска информираше на социјалната мрежа Фејсбук, оценувајќи дека се работи за политички прогон.
Вчера тројца полицајци ги вознемирија моите малолетни деца носејќи ми покана дома да се јавам денес во 11 часот во станица “под сомнение дека сум сторила кривично дело од чл.394-г од КЗ, Ширење на расистички и ксенофобичен материјал по пат на компјутерски систем”. Пријавена сум од Хелсиншки комитет по чл. 319 од КЗ “Предизвикување омраза, раздор или нетрпеливост врз национална, расна, верска и друга дискриминаторна основа. Фејсбук статусот за кој сум под сомнение се однесува за мигрантите. И јасно е се! Политичкиот прогон го пуштаат на максимум. Хелсиншки, дежурни бранители на власта, ќе се видиме пред лицето на правдата! Вие ќе се срамите од своите постапки, јас ќе останам на страната на вистината и правото! Нема да ме замолчите! Нема да ме заплашите! Борбата почна, нема враќање! – напиша Каракамишева.
