Почнува да се зголемува бројот на заболени од грип во Кавадарци. Според податоците од Центарот за јавно здравје, минатата недела, заклучно со понеделникот, евидентирани се 68 нови заболени.
Епидемиологот д-р Ристе Јовановски вели дека бројот се’ уште е мал и споредено со минатата сезона е речиси на исто ниво.
„Оваа сезона вкупно имаме околу 200 заболени од грип. Лани во овој период бројката беше помала, само 25 лица. Во сезоната 2016/2017 имавме во овој период најголем број заболени 2184 лица“, вели д-р Јовановски.
Тој објаснува дека најпогодени се лицата на возраст од 15 до 64 години.
Ангел Данов