По втор пат годинава, во Кавадарци се организираше бадникова поворка во која учествуваа стотина деца. Тие тргнаа од храмот Света Петка, пеејќи ја песната „Вечниот Бог“ минаа низ улица „Илинденска“ и стигнаа до општинската зграда.
Со подароци децата беа пречекани од градоначалникот Митко Јанчев.
„Бадник е голем христијански празник. Задоволство е да се види кога од млади години се почитува верата“ нагласи Јанчев.
Свештениците искажаа задоволство што и годинава интересот за учество во поворката кај најмладите бил голем.
Ангел Данов
Објавено на: 01/6/19 11:14 AM