Во Барселона полека го подготвуваат планот Б во случај да им побегне Матијс де Лихт од Ајакс, па ги следат вестите од Тулуз во врска со стоперот Жан Клер Тодибо.
Младиот Французин има само 18 години и оваа година веќе одигра 10 меча во Лига 1 за својот тим, притоа забележувајќи по еден гол и асистенција.
Она што е лошо за Каталонците е дека конкуренција им е нивниот најголем ривал Реал Мадрид, додека уште се споменуваат и Наполи и Јувентус како заинтересирани купувачи.
Овој играч го карактеризира добрата техника при изнесувањето на топката, агресивноста и одличниот скок. Она што секако е огромна предност во однос на Де Лихт е неговата цена.
На Французинот му истекува договорот следното лето и веќе оваа зима би можел да потпише за нов тим кој би морал да плати само надоместок за развој на играчот во младинскиот погон.
Извор: Спорт Клуб