При денешното отворање на Дневен центар за стари лица во селото Извор жителите од градоначалникот Горан Стојановски побараа да помогне во отворање на постоечките амбуланти кои се години се затворени и запуштени.
Тој потсети дека генерално на ниво на држава селските амбуланти одамна се затворени и запуштени.
-Факт е дека во ова населено место, селото Извор со околу 400 жители има амбуланта во центарот но селото, но истата со години е запуштена, празна и не работи. Затоа ние како Општина Чашка, јавно апелираме до лекарите, бидејќи има дефицит на лекари, да се јават на огласите за лекари за овие селски амбуантите, а со поддршка на Министерството за здравство амбулантите во овие села повторно да бидат пуштени, повика градоначалникот Стојановски.
Тој потсети дека ваквите селски амбуланти поради немање на лекари со години се затворени и во останатите поголеми села во општина Чашка како Богимила, Горно Јаболчиште и другите населени места. Истите пред десетина и повеќе години успешно функционираа и им даваа неопходни здравствени услуги на жителите од поголемите и помали населени места во Општина Чашка.
Сега жителитена Извор и останатите села се без лекар. Повеќето од тие села се населени со постари жители, кои на лекар мораа да патуваат до Чашка или Велес.
МИА