Со сведочење на Сефер Цаноски, син на бизнисменот и лидер на ПЕИ Фијат Цаноски, продолжи судскиот процес за одмаздничкото уривање на комплексот „Космос“ во 2011 година по наредба на тогашниот премиер Никола Груевски.
„Во април, само 2 месеца пред парламентарните избори во 2011 година, дозволата за градба на огромниот станбено-деловен простор Космос, власта предводена од ВМРО-ДПМНЕ, ја повлекла дозволата за градба на објектот, кој веќе бил изграден во карабина затоа што татко ми ја раскина коалицијата со Никола Груевски“, сведочеше Сефер Цаноски.
По победата на Груевски, веднаш на Фијат му било дадено решение да ја отстрани сам градбата, т. е. да ја урива самиот.
На први август, пред Илинден, екипи со машинерии почнале да вршат подготовки за уривањето.
Веста е превземена од: СДК