По повод 112 години од загинувањето на македонскиот револуционер Даме Груев, во беровското село Русиново денеска ќе се одржи планинарски марш до месноста Петлец. Маршот ќе почне во 9 часот со положување цвеќе на бистата на Даме Груев во центарот на село Русиново.
Во 10 часот ќе биде одражана панихида на надгробната плоча на револуционерите на гробиштата во Русиново, а тргнувањето кон Петлец е закажано за 10.30 часот.
Традиционалниот марш, кој е познат и како „По врвиците на Даме Груев”, е последниот пат кој револуционерот го поминал пред да загине кај месноста Петлец во близина на Русиново, на 23 декември 1906 година.