Кељот од пред неколку години е прогласен за супер хранлив зеленчук, а тоа се должи
на неговата голема хранливост и лековитост. Овој зелен лиснат зеленчук од
фамилијата на зелки без проблем може да го засадите и одгледате во својот дом и
тоа за време на зимските месеци. Па, вреди да се обидете и да уживате во вкусниот
кељ дури и кога надвор има снег.
Главна и основна причина зошто би требало да одгледувате и консумирате кељ е секако
неговата нутритивна вредност. Овој зеленчук изобилува со фолати , витамини А и Ц,
минералите манган, бакар, калциум, калиум, магнезиум и железо. Исто така, содржи
растителни влакна и протеини, а содржи само 33 калории по порциа.
Она по што кељот е сепак најпознат, е тоа што содржи голема количина на витамин К коа
игра многу важна улога во спречување на згрутчувањето на крвта и превентивно делува против болести на коронарната артериа и остеопороза.
Како да одгледате кељ дома?
Потребни материјали:
– семе од кељ
– саксии
– земја
– извор на светлина/ЛЕД ламба.
Начин на работа:
1. Наполнете ги саксиите со земја
и во секоа од нив ставете од семето.
2. Потоа, саксиите полете ги со вода и прекрите ги со уште еден слој на земја.
3. Во саксиите насочете директен извор на светлина, а кога ќе ги забележите првите изданоци,
изворот на светлина треба да биде одалечен само неколку см од нив.
4. Саксиите треба да бидат изложени на светлина 14 часа во текот на денот, а земјата треба да
биде секогаш влажна.
5. Иако кељот е многу отпорно растение и без проблем може да се посади и надвор во доцна
есен, доколку го посадите дома тој ќе биде интересна занимација за целото семество.
Покрај тоа ќе имате свежи плодови преку целата зима. Исто така, кога одгледувате намирници дома, употребата на пестициди е значително помала, бидеќи повеќе може да го контролирате
опкружувањето во кое тие растат.
Совет плус: Младиот кељ е нежен и нема горчлив вкус како старите плодови кои начесто
ги има по маркетите. Младите листови исто така содржат значително поголема количина на
витамините Е и А. Може да ги користите за смути, салати или да ги додавате во чорби и варива,
а може да ги искористите и како прилог за месо, кратко динстувани на путер или маслиново
масло.
Преземено од: sezahrana.mk
Објавено на: 12/16/18 2:58 PM