Хуманитарен базар ќе се одржи во училиштето „Христијан Тодоровски Карпош“ на 6 ноември, како дел од активностите по повод денот на општина Карпош.
На хуманитарниот базар ќе учествуваат група креативни наставници (ракотворци) и занаетчии кои ќе се претстават со нивните уникатни ракотворби (филиграни, изработки од срма, производи со декупаж-техника и сл.). Ќе бидат застапени и производи од органско потекло.
Целта на базарот е оживување на веќе изумрените занаети, доближување на учениците и откривање на значењето и важноста на народното творештво, просвета и култура.
Собраните средства ќе бидат наменети за уредување на училишниот двор.
Извор:МИА