Бензините и дизелот од ноќеска на полноќ ќе се продаваат по пониски цени. Малопродажната цена на бензинот евросупер БС-98 се намали за 3,50 и сега тој чини 73 денари.
Цената на бензинот евросупер БС-95 се намалува за 3 денари за литар и новата е 71,5 денари.
Малопродажните цени на дизелот евродизелот и на екстра лесното масло за домаќинство се намалуваат за 1,5 денари за литар. Дизелот сега се продава за 67,5 денари за литар, додека малопродажната цена на екстра лесното масло за домаќинство изнесува 56,5 денари за литар.
Просечната цена на суровата нафта на светскиот пазар во изминатиот 14-то дневен период изнесуваше 79,457 долари за барел и е за 5,72 отсто понизок од просечната цена на суровата нафта (84,280 долари за барел) по која беа формирани тековните цени на нафтените деривати. Курсот на денарот во однос на доларот во изминатиот 14-то дневен период изнесуваше 53,5403 денари/долар и е за 0,845 отсто повисок од курсот на доларот (53,0916 денари/долар) по кој беа формирани цените – соопшти Регулаторната комисија за енергетика.