Земјотрес со интензитет од 5,8 степени според Рихтеровата скала утрово е регистриран во Централна и Источна Романија. Земјотресот е почувствуван и во Украина, во Молдавија и во Бугарија.
Засега нема информации за евентуални човечки жртви и причинета материјална штета.
Романскиот Национален геофизички институт соопшти дека земјотресот е регистран во три часот и 38 минути по локално време и траел неколку секунди. Епицентарот бил во реонот на Вранча, Источна Романија на длабочина од 150 километри.