По повеќе успешни музички соработки, светската музичка ѕвезда Дуа Липа го подготвува нејзиниот нов студиски албум кој наскоро би требало да го објави. Исто така пејачката изјавила дека на новиот музички прокет би сакала да соработува со Пинк, Френк Оушн и Алиша Кис.
Дуа Липа од страна на Би-би-си неодамна се најде на листата највлијателни жени во светот на музиката. Нема да ве зачуди ако Липа се одлучи за реиздавање на нејзиниот дебитантски албум на кој се наоѓаат дуети со имиња како Мигел, Блекпинк, Калвин Харис, Дипло, Мартин Гарикс и Шон Пол.
„Возбудена сум поради мојот прв концептуален албум, оти тоа е нешто сосем ново за мене и среќна сум за тоа“, изјавила пејачката.
Британската пејачка од албанско потекло, во моментов е актуелна по синглот насловен „Electricity“.