Линда Фрутс (33) од Флорида била во брак со својот сега веќе поранешен сопруг Кристофер осум години.
Во текот на нивната врска Линда родила две деца, а потоа, како што вели, сфатила дека ја привлекуваат жени.
Според Линда, Кристофер одлично ја прифатил оваа вест и решиле да продолжат да живеат под ист покрив заради децата.
Неколку месеци по разводот, Линда ја запознала Меди, а како што велат, нивната врска била многу сериозна од самиот почеток. По шест месеци врска, Меди се преселила во куќата на Кристофер и Линда, а сега сите живеат заедно.
Линда и Меди одлучиле дека сакаат заедничко дете, па го прашале Кристофер дали би сакал да им го донира својот генетски материјал, на што тој се согласил.
– Можноста да ги гледаме секој ден беше поважна од поделбата на нашето семејство и искрено, иселувањето би ни ги искомплицирало работите. На почетокот беше тешко, но отворено разговаравме и сега се е навистина во ред. Најдовме начин да продолжиме понатаму – изјавил Кристофер.
Како што велат, децата ја обожаваат Меди и не се жалат на ситуацијата во која се наоѓаат.
– Заедно чистиме, готвиме и ручаме, повремено излегуваме заедно со децата и без нив – вели Кристофер.
Во ноември објавија дека чекаат бебе кое треба да се роди во мај 2023 година.
– Целото семејство е многу возбудено за нас и сите со нетрпение го очекуваат – заклучила Линда, цитирана од „Метро“.
Кристофер исто така нашол нова љубов по разводот со Линда.