Легендарниот бразилски фудбалер Пеле ќе биде погребан во вторник во Сао Паоло.
Денес на стадионот Урбано Калдеира каде игра Сантос се одржува бдение, а славниот фудбалер, според многумина најдобар на сите времиња, ќе биде погребан на помалку од еден километар од стадионот.
Според пишувањата на новинарот на „Дејли мирор“ Енди Лајнс, кој моментално се наоѓа во Бразил, Пеле ќе биде погребан на „Екуменските“ гробишта, највисоките во светот.
Станува збор за гробишта кои имаат 32 ката, а Пеле ќе биде погребан на деветтиот кат.
Pele’s last wish was to choose the ninth floor of a cemetery in his beloved home city of Santos for his final resting place.
Chief Reporter @andylines visits the final resting place of a football icon. pic.twitter.com/j2J917E981
— The Mirror (@DailyMirror) January 2, 2023
Очигледно, тој се одлучил на тоа затоа што неговиот татко го носел бројот девет и затоа што тоа е неговиот омилен број.
Исто така, бидејќи гробното место се наоѓа високо, од него може да го „надгледува“ стадионот на клубот на кој мина 18 години од својата кариера и со кој постигна голем успех.
Гробиштата биле изградени во 1983 година, а една година подоцна бил одржан првиот погреб. Зафаќа површина од 1,8 хектари и содржи околу 16.000 гробници. Според Гинисовата книга на рекорди, „Екуменика“ се највисоките гробишта во светот.
Курир. рс
Фото: Принтскрин видео Твитер