Телото на покојниот Милан Лаќа Радуловиќ два дена лежело на улица во зафрлениот дел на Тел Авив, познат по својата лоша репутација, пред да биде пронајдено и однесено во мртовечница.
Како што дознава српски Курир од извор близок до семејството, им било кажано дека во оваа населба најмногу се собирале луѓе склони кон пороци, а многумина го избегнувале, па тоа била една од главните причини зошто е толку тешко да се влезе во трага на текстописецот, чија смрт беше официјално потврдена во вторникот.
– На Лаќа му беше многу убаво во Израел. Тој бил во посета на својот близок пријател, кај кого отишол на 2 декември и планирал да остане таму до Св. Никола. Целите денови им беа исполнети, ги посети сите историски знаменитости на градот, разни библиски места, ресторани. Тие двајца таму се сретнале и со заеднички пријатели. Тој беше одлично расположен, ништо не укажуваше дека може да се случи ваква трагедија. Таму го славеше и големиот еврејски празник. Тој навистина се радуваше на тоа. Меѓутоа, по неколку дена, откако се вратиле од прошетка, Лаќа наеднаш го променил расположението. Изгледал како да паднал во некаква депресија, насмевката веднаш исчезнала од неговото лице. Се присети на својата покојна мајка Марина и братот Милош и на некои тешки приказни. Потоа се расплакал. Му рекол на пријателот дека сака да биде сам, па го напуштил сместувањето каде што престојувале навечер и рекол дека ќе се јави подоцна – вели изворот, продолжувајќи ја приказната за тоа што се случило после таа вечер, по која на никој не се јавувал:
– Лаќа потоа го исклучил телефонот кој имал израелски број и оттогаш е недостапен. Пријателот мислел дека сака само да биде сам и да размислува за се. Меѓутоа, бидејќи ден и пол или два не се јавил, се плашел дека нешто му се случило. Овој пријател веднаш ги известил другите познаници од градот дека Лаќа исчезнал, па и тие почнале да прашуваат за него по болниците и низ градот. Кога виделе дека го нема никаде, пријателот решил да го пријави како исчезнат – додал тој.
Милан, според него, го завршил животот во дел од градот кој има лоша репутација.
– Кога беше пронајден, Лаќа бил мртов два дена. Тој лежел на земја во оддалечен дел од улицата. Таа населба има лоша репутација. Туристите не одат таму, којзнае како стигнал таму. Кога бил информиран, неговиот пријател избезумено отишол на идентификација, по што се потврдиле сомнежите дека се работи за исчезнатиот Лаќа – заклучува изворот на српски Курир.
Фото: Курир.рс