Свети Никола е празник со најдолга традиција и со тоа се развиле посебни обичаи кои го придружуваат овој празник.
Дарувајте ги децата
Бидејќи Свети Никола е познат и како заштитник на децата, уште од античко време постоел обичај на денот кога се слави овој светец на децата да им се подаруваат ореви, јаболка и слатки. Во текот на ноќта, додека децата спиеле, Свети Никола оставал подароци во чевлите или покрај прозорецот. Специјално за тој ден децата ги чистеле чевлите и ги ставале во близина на креветот за да наутро прво со нив се израдуваат.
Засадете божиќно жито
На овој празник се засадува божиќна пченица, симбол на плодна година, нов живот и добри посеви, така што до Божиќ ќе порасне доволно
Морепловците пукаат со топови
На овој празник, каде и да се, морепловците ги спуштаат сидрата. Тие ги запираат бродовите додека морнарите му се молат на светецот и потоа го продолжуваат своето патување. Подготвуваат топови за пукање во чест на својот заштитник.
Направете шарени колачиња во форма на птица
На овој ден традиционално се прават шарени колачи во форма на птица. Заедно со лебот и виното се носат во црквата на осветување со молитва и вино. После тоа се послужуваат на гостите, а пред се на децата.
Прославете ја посна славата
Славата на Свети Никола паѓа за време на големиот Божиќен пост. Традиција е да се подготвуваат посни трпези за празникот Свети Никола.
Простете им ги долговите на другите
Во Византија, на Свети Никола, било обичај тој ден да се амнестираат затвореници. Кај народот постои верување дека кој денес ќе прости долг, следната година ќе има богата и плодна година. Исто така, постои верување дека денес никој не треба да се потсетува на својот долг, ниту пак неговата ситуација дополнително да се влошува со тоа што е должник.
Извор: еспресо.рс
Фото: Википедија