ЕСМ Снабдување со топлина апелира до сите потрошувачи, кои ја добиваат фактурата во хартиена форма, да ја искористат можноста за добивање на е-фактура затоа што, како пшто велат, тоа е најсигурен, најбрз, најекономичен и најеколошки начин на достава.
-За тоа, треба да пополнат формулар кој може да го побараат од нашиот Центар за грижа на корисници да им се достави на меил, да го испечатат и пополнат. Пополнетиот формулар можат да го остават во некој од нашите пунктови или скениран да го достават до Центарот за грижа на корисници. Формуларот можат да го преземат и во хартиена форма на нашите пунктови, да го пополнат и да го остават во пунктот. На пунктовите, нашите потрошувачи можат да склучат договори како и да добијат информации во врска со фактурите, начините на плаќање, да поднесат формулар за добивање на е-фактура, и слично. Работното време на сите три пункта е од понеделник допеток од 07:30 до 19:00, сабота од 08:00 до 13:00. Во врска со начините на плаќање,покрај плаќањето со траен налог отворен кај банките, потрошувачите ги имаат на располагање следните можности: без провизија да ги плаќаат фактурите на пунктовите на ЕСМ Снабдување, на шалтерите во банките и во македонска пошта, со електронско банкарство, и тоа со ПП30 налог или со користење на побрзиот начин со електронското банкарство на самата банка во делот на топлинска енергија, информираат од ЕСм Снабдување.
Од таму додаваат и дека потрошувачите да се обраќаат до Центарот за грижа за потрошувачи на телефонските броеви 02 3076 200 и 075 400 100 и на меил адресата contact@esm-snabduvanje.mk за сите прашања поврзани со нашата дејност и услуги, или пријави на дефекти и рекламации за квалитетот на греењето, како и за достава на формуларот за е-фактура.
-ЕСМ Снабдување со топлина ги изработи фактурите за топлинска енергија за месец ноември, нивната достава е започната. Рокот на плаќање на фактурата за ноември е 30.12.2022. Рокот на плаќање на фактурата за октомври е 15.12.2022. Износот на фактурите за топлинска енергија за месец ноември на потрошувачите кои плаќаат на 12 рати е ист со оние за август, септември и октомври. Износот на финансиската поддршка за секој потрошувач од категоријата домаќинства одделно е прикажан во фактурата како поединечна финансиска поддршка од Буџетот на Р.Северна Македонија преку АД ЕСМ, за фиксните и варијабилните трошоци. Потрошувачите ги добиваат фактурите на ист начин како и претходно, односно оние кои ја користеле услугата „е-фактура“ фактурата ќе ја добијат во електронска форма на нивната меил адреса, додека останатите потрошувачи фактурaта ќе ја добијат во хартиена форма на својата адеса на живеење, информираат од ЕСМ Снабдување.
.ЕСМ Снабдување со топлина во Скопје располага со три пунктови: на улица „11 Октомври“ број 9 во објектот на дирекцијата на АД ЕСМ, на улица „Лондонска“ број 8, кај Топланата Запад (населба Тафталиџе) и на булевар „Јане Сандански“ број 49, кај Капитол мол (населба Аеродром).