Тоа не беше роденден туку свадба, вели Ферус Мустафов, кој вчера го прослави првиот роденден на неговата правнука Јоана.
Ферус вели дека е пресреќен што дочекал да слави роденден на правнука, дека е жив и здрав и дека ги дочекал овие радости. Јоана е ќерка на неговата внука Лиле, која, пак, ќерка на син му Илми.
-На сите им посакувам Бог да им даде ваква радост да си дочекаат. Тоа не беше роденден, туку навистина беше како свадба, имаш околу 200 гости. Имаше гости и од Босна, пееше Садик Хасановиќ, Христијан Кико Божиновски, свиреа „Екстра бенд“. Супер се чувствувам, мислам дека тоа е добар успех. И ставив пари на книшка, мислам дека така е најдобро. Можеби кога ќе порасне ќе сака да се школува, а може и да биде пејачка. Што и да биде пари ќе и требаат, вели Ферус.
Во ова музикално семејство уште не се одлучила што сака да биде само неговата најмала ќерка Мелек, која има 10 години.
-Таа проба да свири на неколку инструменти и сега последно е дека сака да биде пејачка. Што и да одлучи јас ќе ја поддржам, вели Ферус.
Од синот Илми го име внукот Ферус јуниор, кој не е женет, бидејќи оди по стапките на дедо и многу е зафатен со настапи.
Ферус постариот и Ферус јуниор денес заминуваат за Сарево , ќе гостгуваат едно телевизиско шоу.