Маск најави дека од следниот петок Твитер ќе воведе златни и сиви знакчиња, покрај стандардните сини.
„Златните ќе бидат за компаниите, а сивите за владите, додека сините ќе бидат за поединци (без разлика дали се познати или не)“, напиша Маск на својот Твитер профил.
Тој додаде дека сите сметки ќе бидат темелно проверени пред да добијат знакче.
„Поединците ќе можат да додадат мало лого до ознаката за проверка што ќе покаже на која организација припаѓаат, но само ако бидат одобрени од компанијата“, рече Маск и додаде дека следната недела ќе открие повеќе детали.
Твитер неодамна го одложи воведувањето на новиот син знак, кој требаше да стане достапен за сите корисници за 8 долари месечно. Тој најави дека новите сини повторно ќе бидат достапни од 29 ноември.
Воведувањето на новиот модел на сини ознаки беше одложено поради огромниот број на имитирани сметки, од кои некои го имитираат и Маск. Синиот беше прашање на престиж и можеше да го добијат само проверени сметки и сметки на политичари, познати личности, новинари и други јавни личности.
Извор: индекс.хр