Според истражувањата, еден од најлошите пијалоци кои предизвикуваат стареење на кожата е алкохолот, во кој денес многу луѓе прекумерно уживаат.
Резултатите од новото истражување заклучиле дека осум или повеќе алкохолни пијалоци неделно имаат потенцијал да влијаат на изгледот на кожата, предизвикувајќи проблеми како што се надуеност, темни кругови, дефинирани брчки на лицето и зголемени крвни садови кои ќе станат повидливи.
Меѓу другото, алкохолот буквално ја дехидрира кожата, што е една од најчестите причини за предвремено стареење. Нутриционистката Ејми Гудсон вели дека кожата ќе станува потенка и посува како што старееме, но факторите како што е консумирањето алкохол може да го забрзаат тоа.
Пиењето алкохол во големи количини може да предизвика предвремено стареење на кожата бидејќи го нарушува сонот, тврдат експертите. Во новото истражување е откриено дека мажите кои пијат големи количини алкохол имаат повеќе проблеми со сонот, а токму недостатокот на сон може да доведе до проблеми со кожата бидејќи таа нема да има време да се опорави и регенерира, што е голем стрес за кожата.
Ова истражување потврдува дека покрај физичките знаци на стареење поради недостаток на сон, овој проблем може да ја намали способноста на телото да се опорави од стресот од околината. Такви стресови се изложувањето на сонце, примената на неквалитетни козметички производи, загадениот воздух и чадот од цигарите.
Извор: Б92.нет