Илон Маск го затвори договорот за купување на Твитер за 44 милијарди долари, изјави за Си-Ен-Ен извор запознаен со ситуацијата.
Најбогатиот човек на светот на тој начин стана шеф на една од највлијателните социјални мрежи во светот. Неговиот прв потег беше да го отпушти раководството на социјалната мрежа. Маск ги отпушти извршниот директор Параг Агравал, главниот финансиски директор Нед Сегал и главниот правен и политички директор Виџеј Гада, објавија американските медиуми.
Медиумите објавија дека Агравал и Сегал биле во седиштето на Твитер во Сан Франциско кога бил склучен договорот и дека биле „испратени“ од зградата. Маск ги обвини претходните лидери дека ги доведоа во заблуда него и инвеститорите за бројот на лажни сметки на платформата, како и дека не му даваат јасни аргументи за тоа како да ги постигне високите амбиции што ги има со влијателната социјална платформа. Маск на Твитер потврди дека преземањето е завршено. „Птицата е ослободена“, напиша тој.
the bird is freed
— Elon Musk (@elonmusk) October 28, 2022
Маск рече дека сака да ги победи „спам-ботови“ на Твитер, да ги направи јавно достапни алгоритмите што одредуваат како содржината им се презентира на корисниците и да спречи платформата да стане комора на омраза и поделби.
Маск претходно изјави дека сака Твитер да стане „најпочитуваната рекламна платформа“, но исто така рече дека со оваа аквизиција сака „да му помогне на човештвото“. Маск, ко-основачот на Твитер Џек Дорси и други инвеститори претходно предложија дека сакаат да ја тргнат социјалната мрежа подалеку од рекламирањето и да генерираат приходи преку претплати и други средства. Самиот Маск еднаш напиша „мразам рекламирање“. Затоа, огласувачите се загрижени за преземањето на мрежата од Маск.
„Има многу шпекулации за тоа зошто го купив Твитер и што мислам за рекламирањето. Повеќето од нив се погрешни“, напиша Маск на социјалната мрежа. „Во основа, Твитер сака да биде најценетата рекламна платформа во светот која го зајакнува вашиот бренд и го поттикнува растот на бизнисот. Повеќе од 90 отсто од приходите на Твитер во вториот квартал од оваа година потекнуваат од рекламирањето.
Пред официјалната имплементација на купувањето на Твитер, Маск најави дека сака да ја преземе платформата за да му „помогне на човештвото”.
„За иднината на цивилизацијата е важно да имаме заеднички дигитален градски плоштад каде што со широк спектар на мислења можат да да се дискутира на здрав начин, без насилство“, рече мултимилијардерот и додаде дека социјалните медиуми имаат моќ да „генерираат дополнителна омраза“.
Dear Twitter Advertisers pic.twitter.com/GMwHmInPAS
— Elon Musk (@elonmusk) October 27, 2022
Во изјавата насловена како „Почитувани огласувачи на Твитер“, Маск рече дека „очигледно“ не може сè да се напише онлајн „без последици“, но дека сака платформата да биде „добредојдена за сите“. Маск, самопрогласен „апсолутист на слободата на говорот“, во мај изјави дека ќе ја укине забраната на Твитер за поранешниот американски претседател Доналд Трамп, кој беше отстранет од мрежата во јануари минатата година поради стравувања од поттикнување насилство откако неговите поддржувачи упаднаа во Капитолот на Вашингтон. Твитер сè уште не го потврди договорот од 44 милијарди долари.
Маск, истакнат и контроверзен корисник на Твитер, се вклучи во компанијата на почетокот на оваа година кога презеде повеќе од 9% од акциите. Откако објави дека станал најголемиот акционер на Твитер, Маск ја прифати, а потоа ја одби понудата да седне во управниот одбор на компанијата.
Маск потоа веднаш се понуди да го купи Твитер, се закани со непријателско преземање и потпиша „поволен“ купопродажен договор. Меѓутоа, неколку недели подоцна, Маск почна да изразува загриженост за „пролиферацијата на лажни и спам-сметки на Твитер“ и на крајот се обиде да го раскине договорот.
Твитер го тужеше и бараше да го почитува договорот, тврдејќи дека Маск го искористил аргументот за лажни профили за да се извлече од купувањето. Две недели пред почетокот на судењето, Маск рече дека сепак ќе го почитува договорот според неговите првични услови. Додека преговорите беа во тек, адвокатите на Маск побараа од судијата да ја запре правната постапка, што предизвика бурни реакции од Твитер, кој стравуваше дека Маск ќе го прекрши ветувањето и ќе се откаже од купувањето.
Судот им даде рок на Маск и на Твитер до 17 часот на 28 октомври да го затворат договорот или да се соочат со судење.
Извор: мондо.рс/курир/рс
Фото: Принтскрин Твитер