Нелегален престој, нелегално вработување, попречување на полициските службеници во вршење на службените дејствија, биле констатирани во акциската контрола што изминатиов викенд е спроведена на територијата под надлежност на СВР Тетово.
„Вчеравечер (24/25.10.2022) во периодот од 23.35 часот до 01.20 часот, полициски службеници на МВР во содејство со полициски службеници на СВР Тетово и Државен инспекторат по труд спровеле акциска контрола во угостителски објект во тетовско Жеровјане, сопственост на Х.А.(33) од тетовско Боговиње. При контролата, од слобода бил лишен Г.Б.(52) од Хрватска, затоа што кај него бил пронајден кокаин, а затекнати и поради нелегално вработување приведени се и П.О.(20) од Украина и Ј.Ѓ.(29) од Србија. Трите лица задржани се во Полициската станица Тетово за расчистување и документирање на случајот,“ информираат од СВР Тетово.
Полициски службеници на МВР, СВР Тетово – Одделение за внатрешни работи Гостивар и Државен инспекторат по труд, вчера (24.10.2022), исто така, спровеле акциска контрола и во Гостивар и околу 11.00 часот, поради злоупотреба на туристичкиот престој, приведени се Џ.А.(39), Ш.У.(43), В.У.(46), С.Д.(46), сите од Република Турција, Р.К.(54), Г.Б.(56) и А.Ј.(41), сите од Република Албанија и М.Р.(55) од Република Србија.
„Покрај овие лица, поради попречување на полициски службеници во извршување на службени дејствија, во 12.00 часот на улица „ЈНА“ во Гостивар e приведен Ј.З. од гостиварско Чегране. Сите се задржани во Полициската станица Гостивар за натамошна постапка и по расчистување и документирање на случајот ќе бидат поднесени соодветни поднесоци, “ се вели во Полицискиот билтен.