Кога Светлана Цеца Ражнатовиќ се појави во една од емисиите на Милован Илиќ Минимакс носејќи дијамантски ѓердан почнаа шпекулациите дека Жељко Ражнатовиќ Аркан ѝ го подарил накитот крадејќи го на бојното поле!
Наводно, во емисијата се јавила жена и тврдела дека Аркан ѝ го „откинал ѓерданот“ од вратот на нејзината сестра. Иако на интернет има неколку снимки од споменатата емисија, ниту една не ја содржи таа снимка. Поради ова, многумина веруваат дека оваа приказна е измислена.
Но, сега се огласи жената која Жељко ја најмил во деведесетите да замине во Прага и да го донесе овој ексклузивен накит за неговата сопруга.
-Со години живеев во Прага и носев ексклузивен накит во Србија. Тука имав мои клиенти на кои им го продавав. Тие беа копии на најскапите уникатни ланчиња на светски брендови. Соработував со разни пејачи. Меѓу нив се Драгана Мирковиќ, Јована Типшин и многу други“ – изјави за „Курир“, Мирјана Милосављевиќ.
-Мојот сопруг ме запозна со Жељко Ражнатовиќ Аркан. Отидов кај него на стадионот „Обилиќ“ за да го погледне накитот. Му ги однесов комплетите. Тој ми рече: „Не ми покажувај ништо од тоа, оди кај мене дома однеси ѝ се на Цеца’.Така и беше. Син им Вељко беше многу мал. И јас со тој накит отидов кај Цеца која беше сосема нормална, љубезна, срдечна. Отидов, влезе и седна во дневната, ги извади палетите што ги имав и прегледа сè. Зеде многу работи, а тоа воопшто не беше евтино во тоа време – вели Мирјана, пренесува Мондо.
-Сакам да го отстранам сомнежот и жената веќе да не ја напаѓаат дека овој накит е воено профитерство на Аркан. Поединци си дадоа за право да зборуваат сѐ и сешто сега кога тој не е меѓу нас. Останувам на моите зборови, поминаа многу години, а сигурна сум дека и таа се сеќава. „Галамата“ околу ова е неправедна. Не знам кој има право да ѝ суди, сето тоа го купи од мене и нема грабеж. Сите сетови изгледаа импозантно и многу ефективно, како да се вистински. Цеца е прекрасна жена, нормална, квалитетна, пријатна, која знае како да се однесува со луѓето. Ниту сум во контакт со неа, ниту продавам таков накит, долго размислував дали вака јавно да зборувам. Сега нека знаат сите дека е чиста како солза и дека никој ништо не може да ѝ каже. Сите тие приказни беа лаги и шпекулации кои таква жена, која поминала низ голгота, не ги заслужила“, заклучила таа.
Погледнете го видеото кога Цеца ја прашаа за герданот на овој линк.
Извор: stil.kurir.rs