Новиот Peugeot 508 беше презентиран во еден од престижните локали во Скопје. Презентацијата на овој модел беше пред внимателно одбрана публика со цел да се задржи ексклузивитетот на неговото претставување со најава за официјално пристигнување на моделот кон крајот на декември месец 2018-та година.
Заменик извршната директорка на Еуроимпекс, Ивана Манчева Михајловска зборуваше за стратегијата на компанијата и развојот на брендот, посочувајќи дека се многу блиску до „премиум“ друштвото и со задоволство истакна дека најновиот модел на брендот (Новиот Peugeot 508) уште еднаш го потврдува тој факт.
„Новиот 508, не е наследник на истоимениот модел. Тој е сосема ново возило е олицетворение на една нова визија и влез во целосно нова ера. Ера на технологија, на автономност, на моќ сплотена со елеганција и комфор. Креиран за ваше целосно задоволство“, изјави регионалниот директор на продажба во Еуроимпекс, Томислав Нафидов.
Новиот Peugeot 508 GT кој беше презентиран на настанот, со својата нова боја Ultimate Red, спортската елеганција, највисокото ниво на технологија и автономност, на моќ а воедно и уживање во возењето и беспрекорен комфор, е комплетно креиран за ваше целосно задоволство. Со целосно новите предни и задни светла, ниската каросерија, прецизно исцртани линии, врати без рамки, нови мотори, нов автоматски менувач со 8 степени на пренос, висок квалитет на кожен ентериер, опција за “night vision” и многу други дополнителни елементи во опремата ги надмина очекувањата на сите присутни.
Новиот 508 GT може да се види во салонот на Еуроимпекс од 26ти до 29ти септември.
Еуроимпекс е првата автомобилска компанија основана во Македонија во 1990 година а соработката со Peugeot ја развиваат повеќе од 28 години. Во 2014 година го проширија просторот на нивното стопанисување и денес се генерални увозници за Peugeot на пазар кој брои преку 14.000.000 жители и регионално го претставуваат брендот на територија на Македонија, Србија, Црна Гора, Албанија и Косово.