Со Арсовска не комуницирам од 2019, ни се разделија патиштата – Аркан Керим демантира дека е поврзан со турска компанија за милионскиот тендер

Тендерот од 160 милиони во ЈП „Водовод и каналицазија“-Скопје, не само што ги скара градоначалничката Данела Арсовска и ВМР ДПМНЕ, туку продолува да се инволвираат и други ликови од бизнисот.

На денешната седница на Советот на Град Скопје со прашања за милионскиот спорен тендер се јави и пратеникот од ВМРО-ДПМНЕ, Луке Галески, кој покажувајки фотографија од турски државјанин, за кој рече дека бил линк со турската компанија која учествува на тендерот.

-Дали го знаете овој лик? Овој човек се вика Аркан Керим и ја прашувам дали го познава и дали има поврзаност со турксата компанија која е учесник на тендерот. Погледнете убаво и сетете се, не би сакал по една година да се сетите во обвинителство на овој лик. Дали за ова баравте промена на комисијата за евалуација? Од каде знаевте дека понудата на турската компанија е пониска, праша советникот Галески.

Попладнево стаса демант од ликот од сликата, поточно од Аркан Керим, кој не само што е сопственик на туристичка агенција во Скопје, туку е и претседател на Туристичко угостителка комора.

-Со цел точно, транспарентно и целосно информирање на јавноста го демантирам советникот Луке Галески на Седница на Совет на Град Скопје одржана денес. Категорично и целосно ја отфрлам содржината на изјавата како невистинита и тендециозна. Тврдам дека немам никаква поврзаност со турската компанија за која што се тврди дека е учесник на тендерот за изградба на пречистителна станица во Скопје. Јас, како претприемач и стопанственик долги години работам во секторот туризам и угостителство и ниту со актуелното градско раководтсво имам некаква комуникација иако како претседател на ТУК би требал да имам интензивна соработка со Град Скопје за афирмација и заеднички проекти во сферата на туризмот и промоција на Скопје како дестинација за посета на странски туристи. Јас со Арсовска од септември 2019 ниту сум се слушнал, ниту, пак, сум се видел поради несогалсување око принципите за работа на Стопанска Комора и од тогаш ни се рзделија патиштата, вели Керим.