Дури и на 73-годишна возраст, кралот Чарлс Трети тој не забави.
Неговата сопруга Камила тврди дека тој е „најфит маж на неговата возраст што таа го познава“. Камила пред две години за Би-Би- Си Радио 5 откри која е тајната на неговата одлична форма.
“Тој оди, оди и оди. Тој е како планинска коза, остава се со километри зад себе”, изјави таа во шоуто на Ема Барнет.
Освен што многу се движи, принцот Чарлс го следи и 12-минутниот режим на воени вежби на канадските вооружени сили, кој го дизајнираше др. Вилијам Обан за да ги доведе војниците во добра форма без да им треба многу простор или опрема. Станува збор за петте основни вежби (истегнување, стомачни, екстензии на грбот, склекови и трчање во место) кои ги изведува секоја недела, а очигледно истиот режим го следат и неговите синови Вилијам и Хари.
„Чарлс е мотивиран од желбата да се вклопи во воените униформи направени за него пред 30 години, без кројачот да мора да ги прошири“, изјавил за британски Експрес кралскиот експерт Ричард Кеј.
Внимава на исхраната
Тежината на Чарлс не е значително променета во последните 40 години и изнесува околу 72 килограми. А вежбањето е само едната страна на паричката. Чарлс јаде органска храна и голем дел од храната што ја консумира е од неговата сопствена фарма, од Хајгров Хаус во Глостершир.
„Со години не јадам месо и риба два дена во неделата, а млечни производи јадам само еднаш неделно“, рече тој во интервју за Би-Би-Си минатата година.
Овој потег е делумно мотивиран од неговата желба да го намали својот внес на јаглехидрати и ги повикува другите да го сторат истото.
“Тој обично има меко варени јајца и овошје за појадок, а никогаш за ручек. Вечерата е обично месо на скара или риба со свеж зеленчук. Ниту Чарлс ниту Камила не се баш по слатки”, додала Кеј.
Тој исто така консумира алкохол умерено и во посебни прилики.
Извор: индекс.хр