Лиз Трaс е поранешната британска министерка за надворешни работи и нова премиерка, а Лиз Трасел е редовен корисник на Твитер која на оваа социјална мрежа го зеде корисничкото име Лиз Трас и поради оваа коинциденција одеднаш доби бројни пораки и честитки упатени до новата британска премиерка.
Шведската премиерка Магдалена Андерсон беше една од оние кои и честитаа на погрешната Лиз Трас за преземањето на премиерската функција во Велика Британија.
„Честитки Лиз Трас“, напиша Андерсон, додавајќи дека Шведска и Велика Британија ќе продолжат да соработуваат тесно. Трасел со шеговит тон одговори дека со нетрпение ја очекува претстојната посета и дека шведската премиерка може да подготви ќофтиња за таа пригода.
Новатат британска премиерка има 360.000 следбеници на Твитер под корисничкото име @trussliz, додека Трасел има 3.400 следбеници.
Лиз Трас во понеделникот беше избрана за лидер на владејачката Конзервативна партија, а кралицата Елизабета Втора ја назначи за нов британски премиер. Трас ќе биде 15-та жена премиер во 70-годишното владеење на британската кралица.
Извор:rs.n1info.com
Фото: Принтскрин Јутјуб