Турскиот претседател Реџеп Таип Ердоган ја обвини Грција дека ги окупира островите во Егејското Море, кои имаат демилитаризиран статус, предупредувајќи дека Анкара е подготвена да го направи „она што е потребно“ кога ќе дојде време.
Анкара тврди дека Атина ги прекршува меѓународните договори, милитаризирајќи ги островите во Егејското Море, вклучувајќи ги Крит и Родос, што грчките власти го негираа.
– Кога ќе дојде време, ќе го направиме тоа што е потребно. Како што велам, една ноќ може ненадејно да дојдеме – рече Ердоган користејќи фраза што претходно ја навести за воени операции во Сирија и Ирак против Курдите, а неколку пати ја исполни таквата закана.
Ердоган ја потсети Грција во историјата во говорот одржан во северната провинција Самсун.
-И препорачуваме на Грција да погледне во историјата. Ако Атина отиде предалеку, цената ќе биде висока. Имаме една работа да и порачаме на Грција, а тоа е да се сети на Измир – рече турскиот претседател.
Измир е провинција на западниот брег на Егејското Море, позната и по тоа што од таму турската војска ја протера грчката војску.
Грција: Турција го прекрши единството на НАТО
Министерството за надворешни работи на Грција ја обвини Турција дека го нарушува единството на НАТО во особено опасен момент.
– Веднаш ќе ги информираме пријателите и партнерите за содржината на провокативните најави од последните неколку дена – соопштија од грчкото Министерство.
Извор: Репиблика.рс