Српските медиуми се полни со информации за концертот на Аца лукас, што се одржа во недела вечерта во Крива Паланка.
Толку многу озборуваниот концерт на фолкерот, за кој се побуни и Министерство за култура, го преполни градскиот плоштад не само со кривопаланчани, но и со публика од останатите градови во државава.
Паланчани велат дека, според регистарските таблички на автомобилите, публика имало од Кратово, Пробиштип, Куманово, Штип, Кочани, а најмногу од Скопје.
И вистина, колку ние сакале да признаеме или не, концертот од сите настапи, кои се случија последниот викенд во Крива Паланка беше најпосетен.
View this post on Instagram
И самиот Лукас неколку пати го прекина пеењето за да и дае простор на публиката таа да пее место него.
Трагично или не, веќе не е важно, но факт е дека на фолкерот му ги знаеја песните од почеток до крај.
Дека и пејаот е воодушевен од реакцијата на публиката покажува и неговата објава на Инстаграм, каде поставил неколку фотографии и видеа од настанот со порака:
View this post on Instagram
-Благодарам Крива Паланка! Ве сакам, напиша тој со срце.
Српските медиуми од свои извори, веројатно од неговата придружба, дознаваат дека публиката паднала во транс, сите пееле во хор и ја знаеја секоја песна од почеток до крај
Неговиот настап во Крива Паланка по бројот на публиката го споредуваат со пописот.
-Тој одржа спектакуларен концерт во Крива Паланка каде буквално се случи „попис на населението“, па целото место дојде на градскиот плоштад за да го гледа концертот на најголемата музичка ѕвезда.