Во последните две децении, стапката на разводи во Америка е двојно зголемена кај луѓето на возраст од 50 и повеќе години.
Во 1990 година, брачните двојки од оваа возрасна група се само еден од 10 разводи. Во текот на 2009 година, тој број се искачи на еден од четири. Студијата открила и дека стапката на разводи во оваа возрасна група била поголема кај оние кои зад себе имале претходни бракови, пренесува “Yourtango”.
Овие наоди беа објавени во студијата насловена како „Сивата револуција на разводот“, од социологот Сузан Браун.
Слична е ситуацијата и на Балкан. Иако општество е традиционално, во последниве години има се повеќе луѓе кои во зрела возраст одлучуваат да стават точка на бракот.
Истражувачите укажуваат на голем број социјални фактори кои го поттикнуваат овој тренд. Жените се помоќни и независни од порано, што го прави разводот поизводлив од порано.
Се поставува прашањето, како да спречиме нашиот брак да стане дел од оваа тажна статистика?
Еве три едноставни, но не лесни лекции што можете да ги преземете за да спречите развод во подоцнежните години.
1. Никогаш не ја заборавајте целта на вашиот брак
Многумина веруваат дека бракот е поврзан со личната среќа. Овој нов поглед на бракот стана модерен кај новите „јас“ генерации.
Има промени во ставовите за бракот, фокусот е да се направи поединецот среќен, а не на тоа колку добро секој човек ја исполнил својата брачна улога.
– Ако мислите дека целта на вашиот брак е само да ве направи среќни, а вашиот партнер го сметате за одговорен за исчезнувањето на среќата кога ќе дојдат тешки времиња, а тие ќе дојдат, тогаш таквиот брак не е одржлив. На бракот треба да гледате како на повисока цел, нешто што е над вас самите, а ако вашиот сопружник го дели ова гледиште, тогаш сте на вистинскиот пат – вели Браун.
2. Разберете дека вие не сте најважната работа во бракот
Професорот по етика на Универзитетот Дјук, д-р Стенли Хауервас, ја опишува деструктивната моќ на оваа парадигма за самоисполнување како онаа која „претпоставува дека бракот и семејството се првенствено институции на лично исполнување, неопходни за да станат „цели“ и среќни“.
Претпоставката е дека ако погледнеме доволно добро, ќе ја најдеме вистинската личност за нас, но оваа морална претпоставка игнорира клучен аспект од бракот. Не го зема предвид фактот дека секогаш се венчаме со погрешна личност.
Тој продолжува и вели дека без разлика колку добро мислите дека го познавате вашиот брачен партнер, навистина немате поим во што се навлегувате.
Примарниот предизвик на бракот е да научите како да го сакате и да се грижите за странецот со кој ќе се омажите.
Изгледа дека на многумина од генерацијата „јас“ им е тешко да ја прифатат идејата за несебична, самопожртвувана љубов. Но, вистината е дека тоа е вид на љубов што ги трансформира браковите и води до крајно и трајно исполнување.
3. Секој ден нека ви биде приоритет бракот
Има многу работи кои го окупираат нашето внимание денес. Живееме урбани животи и лесно е да заборавиме што е навистина важно за нас. Вашиот брак може или да расте или да умре. Ако сакате вашиот брак да трае до старост, тогаш треба да инвестирате во него секој ден. Негувајте ја вашата врска, инвестирајте во неа. Како и да се одвиваат работите, тоа треба да ви биде приоритет.
Премногу парови стигнуваат до фазата на „празно гнездо“ само за да дознаат дека се во брак со некој што едвај го познаваат. Можеби веќе сте раскинале без да го сфатите тоа. Можеби сте биле толку фокусирани на вашите деца и кариера и сте акумулирале работи што сте занемариле да останете поврзани со најважната личност во вашиот живот.
Посветете се да ја одржувате интимноста високо на вашата листа на приоритети. Да, зборуваме за водење љубов, но зборуваме и за негување емоционална и духовна интимност. Направете простор во вашиот ден, секој ден, за вистинска врска. Не ризикувајте да се разбудите еден ден и да сфатите дека сте се отуѓиле од оној со кој го делите домот и креветот.
Извор: Телеграф.рс