Поранешниот американски претседател, Доналд Трамп ја погребал својата неодамна почината поранешна сопруга Ивана на својот терен за голф во Њу Џерси – објавија американските медиуми, размислувајќи дали тоа го направил заради даночни олеснувања.
„Нема да верувате, но Доналд Трамп можеби ја закопал Ивана на својот голф терен заради даночно олеснување“, гласи насловот на американскиот магазин „Венити фер“.
Тамошните медиуми пишуваат дека, според законите на сојузната држава Њу Џерси, земјиштето што се користи за погребување на мртвите е ослободено од плаќање голем број даноци, вклучувајќи недвижен имот, наследство и приход. Социологот Брук Харингтон од Универзитетот Дартмут, авторка на книга за начините на кои најбогатите избегнуваат да плаќаат даноци, рече дека „на почетокот била скептична во врска со гласините дека Трамп ја закопал својата поранешна сопруга“ поради даночните олеснувања, но по истражувањето на законите на Њу Џерси, се уверила дека тие навистина го овозможуваат тоа и дека не одредуваат минимален број на погребани за да се применат поволностите, пишува „Венити фер“.
„Њујорк пост“, таблоид во сопственост на Руперт Мардок, во неделата објави фотографии од осамен гроб во поле на имотот со мал епитаф: Ивана Трамп, 20 февруари 1949 година – 14 јули 2022 година.
Photos show Ivana Trump’s grave at Trump National Golf Club in Bedminster, NJ https://t.co/yr5uw5fE3S pic.twitter.com/uzHp1PX6rZ
— New York Post (@nypost) July 28, 2022
Ивана Трамп почина минатиот месец откако падна по скали, најверојатно откако се онесвести. „Њујорк пост“ уште во 2017 година објави дека Трамп добил дозвола за гробот на Ивана во близина на првата дупка на теренот за голф, но и за повеќе гробови што може да ги купи секој што сака да почива таму.
Извор: rs.n1info.com