Луѓето кои неодамна биле заразени со мајмунски сипаници покажуваат многу различни симптоми од оние кои биле заразени во претходниот бран на мајмунски сипаници, предупредуваат експертите, а пренесува “The Sun”.
Болката во анусот и отокот на пенисот се нови симптоми од кои пациентите страдаат од неодамна, а не беа пријавени во претходниот бран што се случи во Централна и Западна Африка.
Во неделата, Светската здравствена организација прогласи мајмунски сипаници за глобална здравствена вонредна состојба бидејќи бројот на случаи ширум светот надмина 19.000.
Студијата е објавена во „Бритиш Медикал Журнал“, а авторите откриле дека симптомите може да бидат лезии на кожата, како и отечени крајници. Наодите се засноваат на 197 потврдени случаи на мајмунски сипаници во Центарот за инфективни болести во Лондон, помеѓу мај и јули оваа година.
Меѓу тие пациенти, 71 пријавиле ректална болка, 31 доживеале оток на пенисот, 22 имале кожни лезии и девет отечени крајници.
Мајмунската сипаница не се карактеризира како сексуално пренослива болест, но блискиот физички контакт, вклучително и сексуалната активност, овозможува ширење на вирусот.
Мајмунската сипаница може да се пренесе и преку крпи и постелнина на заразено лице или од кашлање и кивање.
Претходните пријавени симптоми на мајмунска сипаница беа: треска, главоболка, болки во мускулите, отечени лимфни јазли и замор.
После тоа почнува да се појавува карактеристичниот осип поврзан со мајмунска сипаница. Овој осип обично има неколку фази, на почетокот изгледа како блага промена на кожата, потоа се појавуваат грутки, па плускавци и на крајот испакнатини исполнети со гној; во завршна фаза, сипаниците се претвораат во мали слатки кои паѓаат.
ИЗвор: Телеграф.рс
Фото: Принтскрин Јутјуб