Северна Кореја е апсолутно подготвена за каков било воен конфликт со САД, изјави севернокорејскиот лидер Ким Џонг Ун.
За време на говорот на годишнината од крајот на Корејската војна, тој рече дека јужнокорејската армија „ќе биде уништена“ доколку се обиде да ја нападне Северна Кореја, објави новинската агенција Јонхап.
„Нашите вооружени сили се подготвени да одговорат на секоја криза и да ја одвратат нуклеарната војна, нашата нација е исто така целосно подготвена да ја мобилизира својата апсолутна сила“, рече севернокорејскиот лидер.
Соопштението на Ким дојде откако официјални лица во Сеул и Вашингтон соопштија дека Пјонгјанг ги завршил подготовките за спроведување на својата прва нуклеарна проба од 2017 година.
Ким во говорот рече дека Вашингтон продолжува со „опасните, незаконски непријателски акти“ со Јужна Кореја против Северот и се обидува да го оправда своето однесување со „демонизирање“ на земјата.
Северна Кореја долго време ги обвинува САД за двојни стандарди во нивните воени активности и за водење непријателска политика кон Пјонгјанг, тврдејќи дека тоа го исклучува продолжувањето на разговорите насочени кон укинување на нејзината нуклеарна и ракетна програма во замена за олеснување на санкциите.
„Двојниот чин на САД, кој ги прикажува сите рутински дејствија на нашите вооружени сили како „провокација“ и „закана“ додека одржуваат големи заеднички воени вежби кои сериозно ја загрозуваат нашата безбедност, е грабеж“, рече Ким, додавајќи дека ги доведува билатералните односи до точка на прекин.во која тешко се враќа назад.
Извор: rs.n1info.com