Во меѓународната полициска акција „Флорида“ во Црна Гора се уапсени осум лица, а кривично се гонети 28 членови на меѓународна криминална организација кои се поврзани со шверц на 6,1 тон кокаин на транснационално ниво, соопшти Управата на полицијата.
Во таа акција, по наредба на специјалната обвинителка Сања Јовиќевиќ, Специјалното полициско одделение уапси осум лица.
„Како дел од активностите во борбата против сериозниот и организиран криминал, Полициската управа на Црна Гора, како носител на активноста, со активна поддршка и координација на ЕВРОПОЛ и во соработка со органите на прогонот на Србија, Италија, Хрватска , Словенија, Шпанија, Португалија и Холандија, кривично гониле 28 лица членови на меѓународна криминална организација кои се поврзани со шверц на 6,1 тон кокаин на транснационално ниво“, соопшти полицијата.
📢 REALIZOVANA AKCIJA „FLORIDA I“ ‼️
🔻🔻🔻
U aktivnostima @PolicijaCG i organa za sprovođenje zakona iz više zemalja, koordiniranim od strane @Europol, procesuirano je 28 lica zbog krijumčarenja 6⃣,1⃣ tone kokaina na transnacionalnom nivou.
⏬https://t.co/FyFPnP1ru0 pic.twitter.com/zHZC1Bruqb— Uprava policije Crne Gore (@PolicijaCG) July 27, 2022
„Споменатите лица се осомничени за сторени кривични дела создавање криминална организација и неовластено производство, држење и пуштање во промет на наркотични дроги. При финализирање на активностите, извршени се полициско-обвинителски мерки и дејствија на територијата на седум држави, а извршени се претреси на вкупно 52 локации“, соопшти Управата на полицијата.
Акцијата „Флориа“, како што велат, е дел од континуираните мерки и акции што Полициската управа во соработка со меѓународни партнери ги спроведува со цел разбивање на структурите на организираниот криминал кои се занимаваат со шверц на дрога на меѓународно ниво, доминантно составен на членовите на т.н балканскиот картел.
Извор: ртцг.ме