Во Скопје и денеска продолжија протестите против францускиот предлог. Група граѓани се собраа пред Собранието во пресрет на седницата на која беа усвоени заклучоците за францускиот предлог.
Демонстрантите со транспаренти и патриотски песни го искажаа својот револт против францускиот предлог и додека во Собранието се дебатираше за него, тие кон собраниската зграда фрлаа со тоалетна хартија.
Денешниот протест не беше толку масовен како претходните, а шаторите во кои престојуваа дел од демонстрантите, денеска беа префрлени од Жена парк пред самото Собрание.
Фото: Вангел Тануровски