Брачен пар од Бостон, Алана Рос и Даниел Мекарти, поднесоа тужба минатата недела поради страшниот инцидент, кој се случил во Бригам во женската болница во август 2020 година.
Тие тврдат дека персоналот на болницата, најпрестижна во градот, по грешка го фрлил телото на нивното предвремено родено бебе во ѓубре, мислејќи дека се валкани алишта.
“Ние не сакаме некој друг да помине низ вакво нешто. Сакаме болницата да преземе одговорност. Сакаме тие да го поправат тоа”, изјави 37-годишниот Рос за Њујорк тајмс.
Девојчето Еверли Викторија Мекарти е родена на 25 јули 2020 година, три месеци предвреме и добила големо мозочно крварење. На 6 август лекарите им рекле на родителите дека бебето нема да преживее и го симнале од респиратор. Рос и Мекарти веќе се јавиле во погребалното претпријатие и почнале да планираат погреб за нивната ќерка, но кога се обиделе да дојдат до нејзиното тело, од болницата им било кажано дека „не можат да го најдат“.
Родителите пријавиле се во полиција на 11 август 2020 година, а истрагата открила дека телото на Еверлија најверојатно било исфрлено од мртовечницата со валкана постелнина четири дена претходно. Бостонската полиција соопштила дека телото на бебето „најверојатно било заменето со валкани алишта“.
Во тужбата на родителите се наведува дека вработената во болница го ставила телото на бебето на маса која не била наменета за „префрлање на посмртните останки на доенчиња во мртовечница“.
„Кога слушнав што се случи, почувствував како ќерка ми повторно да умре“, рече Алана.
Телото на бебето не беше пронајдено, иако истражителите го бараа насекаде, дури и меѓу медицинските останки кои беа покриени со крв и човечки отпад.
Медицинската сестра која го однела телото во мртовечница не се јавила во болница за да спроведе внатрешна истрага, а полицијата известила и дека болницата не и дала целосна снимка за тоа што се случило кога телото на бебето било однесено во мртовечница или кога сфатиле дека бебето го немало.
„Прифаќањето на фактот дека таа ќе умре беше една работа, но не можев ни да замислам дека ќе морам да го прифатам фактот дека ќе легнам секоја вечер без да знам каде е мојата ќерка“, рекол таткото.
Семејството не ја тужеше болницата за некоја конкретна сума пари, а д-р Сунил Ипен, главен медицински службеник на женската болница Бригам, рече дека изразиле „најдлабоко сочувство и искрено извинување до родителите за нивната загуба и тешките околности“.