Најмалку четири лица ги загубија животите, а десетици се повредени при уривање на трибината за време на борба со бикови во централна Колумбија.
На снимката која се појави на интернет се гледа моментот кога се урива трибината на стадионот во Ел Еспинал.
Токму во моментот кога дел од публиката влезе во биковската арена, работата излезе од контрола.
Новоизбраниот претседател Густаво Петро ги повика локалните власти да забранат вакви настани.
„Го повикувам градоначалникот да не дозволи продолжување на настаните во кои гинат луѓе или животни. Ова не е прв пат да се случи ваква несреќа“, рече Петро.
Terrifying video emerging from Colombia tonight where a grandstand collapsed during a bullfight in El Espinal, with local reports of several deaths and possibly hundreds injured (from WRadioColombia) pic.twitter.com/Whn8Fz7ugn
— Manuel Bojorquez (@BojorquezCBS) June 26, 2022
„Меѓу загинатите на трибините има две жени, маж и дете, додека 30 лица се повредени“, изјави гувернерот на Толим, Јос Рикардо Орозо.
Се стравува дека бројот на загинати би можел да биде поголем.
По несреќата, бикот избегал од стадионот, што предизвика дополнителна паника во градот.
Локалниот советник Иван Рохас рече дека градската болница и брзата помош немаат доволно капацитет за толку многу повредени.
„Многу луѓе се уште немаат добиено медицинска помош. Ги повикуваме соседните болници да дојдат и да помогнат“, рече Рохас.
Bull fighting, banned in Bogotá since 2019 for its cruelty, is still popular in rural communities of Colombia. Authorities estimate at least 500 have been injured after a stadium collapsed during a bull fight in El Espinal, 90 miles outside of Bogotá. pic.twitter.com/rmBaM67tcr
— Alex Bare (@alexbaretv) June 26, 2022
Како дел од свеченостите на популарниот фестивал Сан Педро беа организирани настани за борба со бикови.
Гувернерот Орозко рече дека регионалните власти ќе преземат се што е во нивна моќ за да ги забранат коралеите, манифестација која е опасна за животните и во која се третираат сурово.