Албанскиот премиер Еди Рама го доведе во прашање учеството на Албанија на Самитот на Европската унија, што ќе се одржи на 23. и 24 јуни во Брисел, јави дописничката на МИА од Тирана.
Преку реакција на Твитер, тој наведува дека разговарал со премиерот на Северна Македонија, Димитар Ковачевски и со претседателот на Србија, Александар Вучиќ, и додава дека гледа „не“ на крајот од Самитот.
Засега не се знае дали ќе учествува на Самитот, но на крајот пишува „што треба да правам таму“.
We discussed today at length with Serbia’s and North Macedonia’s leaders about the upcoming EU Summit. It seems that another “No,sorry!” is gonna be what we will hear at the end! The whole Union kidnapped by Bulgaria it is not a good spectacle to watch! What to do there?!
— Edi Rama (@ediramaal) June 21, 2022
– Денеска долго разговаравме за Самитот на ЕУ, со лидерите на Србија и Северна Македонија. Се чини дека уште едно „Не, простете ни!“ ќе биде она што ќе го слушнеме на крајот. Целата Унија киднапирана од Бугарија не е добар спектакл за гледање. Што ќе правиме таму?“, пишува Еди Рама.
МИА