Кога ќе дојде лето, младите бараат сезонска работа која може да им обезбеди пари за краток период, а во исто време да бидат на море. Но, не само тоа, со оглед на состојбите и безработицата многумина по парче леб заминуваат на хрваткото приморје, бидејки платите се поголеми.
Работа во кафуле, ресторан или на плажа, најмногу се нудат а платите може да ги надминат очекувањата. За тоа доказ е огласот на работодавач од хрватското приморје.
— ScepanCar (@ScepanCar) June 19, 2022
Огласот за вработување кој се појави на социјалните мрежи изненади многумина. Во групата посветена на работни места „Барам работа/нудам работа – Далмација“, работодавачот од Строжанац понудил неверојатно добри услови за работа.
Барал работник да пече палачинки на брегот, а за тоа понудил плата од дури 10.000 куни или 1.330 евра.
„Барам работник за работа во сезона (печење и продавање палачинки) на плажа Строжанац-Подстрана. Одлични услови, плата 10.000 куни“, стои во огласот на кој е наведен и телефонскиот број.
Луѓето биле шокирани од платата што ја нуди овој работодавец, па дури и ја споредиле со лекарска.