Синоќа приведениот осомничен потпалувач на Културниот центар „Ванчо Михајлов“ во Битола, засега останува во надлежност на полицијата, бидејќи до Основниот суд во Битола до 16 часот, се’ уште нема доставено барање за притвор, односно каков било иницијален поднесок.
Претседателот на Судот, Миле Димовски во краткиот телефонски разговор за ММС, рече дека течат законските 24 часа, до кога полицијата може да го задржи осомничениот.
-До овој момент до Основниот суд во Битола не е стигнат никаков иницијален поднесок за каква било постапка, рече Димовски.
Претходно во текот на денот министерот за внатрешни работи, Оливер Спасовски рече дека СВР Битола има неспорни докази за сторителот и полицијата бара судот да одреди притвор.
-Лицето (Л.А., 34 години) е приведено во полициска станица и во моментот очекуваме да биде изнесен пред надлежниот судија на претходна постапка. МВР бара одредување на мерка притвор, бидејќи се исполнети условите. Сепак би сакал да ја дочекаме одлуката на надлежниот суд, бидејќи тоа е одлука на судот, изјави Спасовски при неговиот денешен престој во Охрид.
Во меѓувреме, јавноста со лавина од реакции, а партијата Левица утре во 18 часот закажа протест за слобода.